What is Networking and Types of Network ?

Networking

Is Article mai apko What is Networking and Types of Network ke bare mai detail mai btaya jayga. NETWORKING ke bare mai jane se pahle apko yeh jana jaruri hai ki Network kya hota hai .

Network sirf computers ke combination ko hi nahi kaha jata hai Network hum humans ka bhi hota hai

Example of Networking

Apne NETWORK Marketing companies ke bare mai to jarur suna hoga. Jaha members bnaye jate hai phir ek Network ko bnaya jata hai

sabhi mil kar earning karte yeh hai hum humans ka ek Network bnane ke Real Life example hai

Jo aaj ke time mai bahut chalta hai thik isi tarah Computers mai Network hota hai

Ek ya do se jada computers ek dusre ke sath communication kar rahe hote hai. Use computer ka Network kaha jata hai.  

NETWORK ke apko har jagah  example dekhne ko mil jayege. Jaise aap yeh post apne computer ya mobile par padte hai. Yeh bhi Network ke through hi padh pa rahe hai

Jaise kisi ek NETWORK mai ek computer se kisi dusre computer ke sath file ko share kiya jata hai. Yeh bhi Network ke through hi kiya jata hai

jaise jaise aap Networking ke bare mai jante chale jayege apko sabhi chije smjh ane lag jayegi

yaha apko Networking mai use hone vali kuch basic terms ke bare mai btaya ja raha hai

NETWORKING

Computers mai NETWORKING ka use ?

COMPUTERS mai NETWORK chahe wired ho ya wireless veh ek  NETWORK  hi kehlata hai

Agar computer network mai wired se connect hota hai tab veh twisted pair cable, Coaxial cable ya Fiber optic cable ka use kiya jata hai.

Jab ki wireless mai radio wave, Bluetooth ya infrarade rays use karke kisi Network mai communication hota hai

Pahle ke time mai jab hume information share karna padta tha tab veh asan nahi hota tha

Pahle information ko chithi ke dvara bheja jata tha phir jvab ata tha jisme bahut time lagta tha

Jaise jaise technology badti gyi tab information share karna bhi asan ho gya. Aaj ke time mai hum ek desh se kisi dusre desh tak apni information ko asani se bhej sakte hai.

Aap yeh post bhi kisi bhi desh se pad rahe hai .Aisa bhi Network ke through hi ho rha hai kyu ki Fiber optic cable ke through ek desh dusre desh ke sath connect rehta hai .

Is tarh se Network ka use Computers mai kiya jata hai. COMPUTERS ko communication  karne ke liye kisi na kisi Networking Devices ki jarurt hoti hai. Jaise Hub, Switch , Router, Modem  inke bare mai apko age detail mai btaya jayga  

OSI  Model

OSI MODEL ka pura nam Open System Interconnection hota hai. Yeh ek  ISO Standard hota hai.  ISO ka pura naam International organization for Standardiation hota hai

Ek normal user ko iske bare mai jankari nahi hoti hai. Normal user ko itna hi malum hota hai ki usne computer par kisi type ka software open kiya or veh software open ho gya.

Lekin veh software open kaise hota hai. Iske bare mai use nahi malum hota hai OSI Model isi prkiriya ko kaha jata hai Continue Reading

Types Of NETWORKING

NETWORK ke vaise to main 3 parkar hote hai. Jaise LAN,MAN,WAN  lekin inke alava bhi kuch NETWORK hote hai jaise PAN ,HAN  . 

COMPUTERS ko NETWORK mai communication karne ke liye inme se kisi na kisi ek Network mai hona jaruri hota hai. Chaliye inke bare mai jante hai.

PERSONAL AREA NETWORK

Ise PAN bhi kaha jata hai. Yeh ek chota sa NETWORK hota hai jaise apke ghar mai hota hai. Apke Mobile phone mai Internet hai or apne hotspot ke through apne phone se apne ghar ke kuch devices ko connect kiya hua hai.

Yeh ek PAN NETWORK kehlata hai.  PAN NETWORK ek ghar tak hi simit hota hai. Jisme kuch devices ko hi connect kiya jata hai or communication kiya jata hai .

HOME AREA NETWORK

Kisi ek ghar mai agar kuch log ek hi NETWORK ka use karte hai. Use HAN NETWORK kaha jata hai. Jaise apke ghar mai agar wifi hai or apke ghar ke phones or computers usi ek wifi se connect hote hai. Phir chahe ghar ke devices wire se connect ho ya wireless use HAN NETWORK kaha jata hai

Aap ghar mai kisi bhi jgh beth kar communication kar sakte hai apke wifi ke through photos upload kar sakte hai video streaming jaise kaam kar sakte hai.

LOCAL AREA NETWORK

LOCAL AREA NETWORK ko hum LAN ke nam se bhi jante hai. yeh NETWORK hume har jagh dekhne ko mil jata hai. Kyoki yeh sabse jada use kiya jane vala NETWORK hota hai. Jaise computer Labs,offices , companies. 

Kisi bhi LAN NETWORK mai computers ko wired ya wireless dono trh se connect kiya ja sakta hai. Ek LAN Network bnane ke liye apko NETWORKING Devices ki jrurt hoti hai. Phir chahe veh switch ho ya hUB ho or agar wired Network hai tab Ethernet cable ki jrurt hoti hai for Example

Jaise maan lijiye ek Computer lab mai 10 computers hai or veh sabhi switch ya hub se connect hote hai or ik dusre se communication, file sharing, printer sharing jaise kaam karte hai.

Aise mai veh LAN Network kehlata hai. LAN NETWORK mai bina Internet ke bhi switch ya hub ke through communication kiya ja sakta hai .

Advantages

1.LAN NETWORK ko asani se bnaya ja sakta hai

2.LAN NETWORK ko bnane ke liye jada paise ke jrurt bhi nahi padti hai

3.LAN NETWORK School , colleges , offices jaisi jagh par use kiya jata hai

4.LAN NETWORK ki data transmission speed high hoti hai

5.LAN NETWORK mai bina Internet ke File sharing jaise kaam kiye ja sakte hai yeh kaise kiya jata hai apko MCSA mai bta diya jayga

METROPOLITAN AREA NETWORK

Ise hum MAN NETWORK nam se bhi jante hai. Yeh Network ka kisi Campus mai use kiya jata hai. Is Network ko bnane ke liye alag alag LAN Network ko ik dusre ke sath connect kiya jata hai.

Jaise kisi University mai ek Science Building ke computers ko Commerce buildings ke sath communication kar rahe hote. aisa isi MAN Network ki help se kiya jata hai. Yeh NETWORK LAN to LAN Communication karke ek MAN NETWORK ko bnate hai.

Kisi office ki alag alag branches ke COMPUTERS ek dusre se communication kar pate hai. Yeh bhi MAN NETWORK ki vjh se hi karte hai. Is Network ko 10 Km se 100 Km tak use kiya ja sakta hai .

WIDE AREA NETWORK

WIDE AREA NETWORK ko hum WAN NETWORK ke nam se bhi jante hai. WAN sabhi NETWORK se sabse bada Network hota hai .

WAN ke through hum ek desh se kisi dusre desh se bhi Communication kar sakte hai. Aap agar yeh post india ke bahar ke kisi desh se padte hai tab yeh bhi WAN Network ke through hi hota hai

Kisi WAN NETWORK ko bnane ke liye Fiber optic cables ka use kiya jata hai. Yeh cables sea ke andr se ek desh se dusre desh tak feli hoti hai. Jiske through communication kiya jata hai

WAN NETWORK ko bnane ke liye bahut jada kharch karna padta hai or ise manage karna bhi bahut hi mushkil hota hai.

Yeh NETWORK dene vali company ko NETWORK Service provider kaha jata hai. Is NETWORK mai sabhi tarah ke NETWORKING Devices or NETWORKING cables ka use kiya jata hai.  

WAN NETWORK mai sabhi trh ki NETWORKING Technology ka use kiya jata hai hum agar facebook par kisi ko message karte hai. Tab yeh bhi WAN NETWORK ki vjh se hi kar pate hai .

WAN NETWORK ki speed slow hoti hai or ise install karna or manage karna bahut hi mushkil hota hai. Kyoki yeh World Wide connect hota hai   

NETWORKING DEVICES

NETWORK Devices unhe kaha jata hai jiska use karke computers ek dusre ke sath communicate kar pate hai

Network Devices bahut parkar ke hote hai or sabhi Devices ka alag jgh par use kiya jata hai

HUB

HUB ek NETWORKING device hota hai. Jo LAN NETWORK mai use kiya jata hai HUB ka use apko kisi computer lab mai dekhne ko mil jayga. Jaise ek jgh par 10 COMPUTERS hai or veh sabhi ise connect hote hai.

Or Ethernet cable ke through ik dusre ke sath communication kar rahe hote hai.  HUB ka use karke ek computer agr kisi dusre computer ke sath file sharing karna chahta hai. Tab veh aisa kar sakte hai

Hub se connected sabhi computer aps mai communicate kar sakte hai. Lekin agr hub ka istemal kisi network mai hota hai or ik computer ko kisi dusre computer ke sath file share karni hoti hai. Tab hub us file ko sabhi computer par send kar deta hai jo computer us network mai hote hai.

Vhi computer usi file ko accept karta hai. Jis computer ke liye file ko bheja jata hai or baki sabhi computers file ko drop kar dete hai. Yeh smart NETWORKING devices nhi mana jata hai. HUB do parkar ke hote hai. Active HUB or Passive HUB HUB OSI Model ki Physical layer par kam karta hai

Switch

Switch ek NETWORK device hota hai. Iska use bhi HUB ki tarh kiya jata hai. Switch ka use karke computer lab mai sabhi computers ko ik dusre se communicate karvaya ja sakta hai

Yeh ek smart Network device hota hai. Kyoki switch ke through jab ek computer se kisi dusre computer ko koi file bheji jati hai. Tab veh file usi computer tak jati hai

Jab ki HUB us file ko sabhi computer tak bhej deta hai. Switch data ko forward karne ke sath data ki filtering bhi karta hai switch ka use karke agar 10 computers ko connect kiya jata hai.

Switch un sabhi computers ke IP address ko save karta hai taki future mai jab communication karna ho tab veh IP address ka use karke destination computer ka pata lga sake jise CAM(content address memory ) table kaha jata hai.

ROUTER

ROUTER ek NETWORKING Device hota hai. Jaise ki nam se hi pata chalta hai route kisi do ya do se jada NETWORK ko route karna Router ka kam hota hai.

Iska use karke kisi ek network ko kisi dusre Network ke sath connect kiya ja sakta hai. Jaise maan lijiye ek Network mai 5 computer hai or dusre Network mai 5 computer hai.

Ek Network ka IP address 10 ki series ka hai. Dusre network ka IP address 20 ka series ka ho tab aise mai agar dono Network ko communication karna hota hai.

Aisa karne ke liye Router ki sahyta li jati hai. Router do alag alag tarh ke network ko communicate karvane ke liye use kiya jata hai. Aap is post ko bhi kisi na kisi router ke through hi padh pa rahe hai .

Working of Router, Switch and HUb.

V

BRIDGE

BRIDGE ek NETWORKING Device hai jis trh router ka use karke do alag alag trh ke Network ko connect kiya jata hai. Aise hi Bridge ka use SUb network ko connect karne ke liye kiya jata hai.

Jaise ek computer lab 1st floor par hai or dusri computer lab 2nd floor par hai. Aise mai dono floor ki computer labs ko connect karne ke liye Bridge ka use kiya jata hai.

MODEM

MODEM ka use aaj ke time mai bahut jgh kiya jata hai. Jab ghar mai internet lagvaya jata hai tab vaha par bhi MODEM ka use kiya jata hai. MODEM data ko Modulator or Demodulator karta hai.

NETWORKING

Jaise agar data signals hai tab Modulator kaam karta hai. Agar data analog signal mai hai tab demodulator kaam karta hai. COMPUTERS data ko Digital Form mai smjhta hai.

Cables ke through signals analog form mai ate hai Modem mai Router ,Switch ke bhi features diye gye hote hai. Jis vjh se computers ko ethernet ke through modem se connect kiya ja sakta hai .

Repeater

Repeater ek aisa Device hai jo signals ki strength ko bdhane ka kaam karta hai. Iski vjh se data ko dur tak pahuchaya ja sakta hai jaise agar signals kisi jgh kam ate hai.

Iska use karke signal ki strength ko bdha diya jata hai. Repeater piche se arhe signals ko receive karke unhe retransmit karke age forward karta hai. Repeater ka use karne se data Loss bhi nahi hota hai

NETWORKING

Jaise do buildings hai or ek building mai signal ache se ate hai lekin dusri building tak signals nahi ate hai

aise mai repeater ka use karke signal ki strength ko bdhaya ja sakta hai taki dusri building tak signals ache se phuch sake

Interface Cards

NETWORK Interface card , LAN Card, NETWORK adapter  jaise cards ko Interface cards kaha jata hai. Yeh ek computer hardware Components hote hai. Inka use karke computers ko Network ke sath connect kiya ja sakta hai  

COMPUTERS mai LAN card pahle se hota hai lekin agar nahi hota hai tab external LAN Card ka use karke bhi computer se connect kiya ja sakta hai

Firewalls

Firewalls ek tarh ka NETWORK Security System hota hai. Jo Internet ke through computer mai ane vale data ko allow karna hai ya block karna hai is bat ka dhyan firewall rakhta hai

firewall ko jo data secure nahi lagta hai. Veh use block kar deta hai or use computer mai enter hi nahi hone deta hai computer Virus ke through ise bypass karke computer mai enter kiya ja sakta hai.

Iske bare mai apko Ethical hacking mai bta diya jayga lekin Firewall ko bypass sabhi nahi kar sakte hai .

The Conclusion

Main ummeed karta hu ki apko Network or Networking ke bare mai ache se jankari mil gayi hogi  NETWORKING mai bahut sari terms hai

Jinke bare mai apko age ane vali posts mai ek ek karke bta diya jayga Networking ko sikhna kisi bhi Ethical Hacker ke liye jaruri hota hai bina Networking ke Ethical hacking bhi nahi ki ja sakti hai

Jaise jaise aap iske bare mai detail mai jante jayege apko khud hi smjh mai ane lag jayga ki Networking Ethical Hacker bane ke liye kitna jaruri hai

Agar apka Networking ya kisi bhi trh ka koi swal hai tab aap comment box mai puch sakte hai. Agar aap Ethical Hacker bana chahte hai tab Networking ko jarur sikhe agr apko yeh post achi lage tab aap ise share jarur kare

Thankyou

Be the first to comment

Leave a Reply

Your email address will not be published.


*